Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

'Kudin da Abacha ya sace': Switzerland za ta mayar wa Nigeria $320m

 Gwamnatin Switzerland ta ce za ta mayar wa Najeriya dala miliyan 320 (Fam miliyan 240) daga cikin kudaden da ake zargin cewa tsohon shugaban mulkin soja Sani Abacha ya sace.
Wata kotun Switzerland ce ta hana amfani da kudin a shekarar 2014 bayan an fara shari'a akan dan marigayin Abba Abacha.
Kudin da aka fara ajiye wa a birnin Luxembourg, kadan ne daga biliyoyin dalolin da ake zargin an sace a lokacin mulkin Sani Abacha tsakanin 1993 zuwa 1998.
"Kwato kudin da Abacha ya sace" ya kasance daya daga cikin alkawuran da Shugaba Muhammadu Buhari ya yi a lokacin yakin neman zabe a shekarar 2015.
Kuma wannan zai kasance kudi mafi yawa da aka kwato kawo yanzu.
An dai rattaba hannun kan yarjejeniyar mayar da kudin tun a watan Maris na 2015.
Sai dai ma'aikatar shari'ar kasar da bankin duniya da kuma lauyoyi daga Switzerland da Amurka sun yi ta fama sarkakiyar da ke tattare da mayar da kudin.



A ranar Litinin kasar Switzerland ta sanar da cewa an shawo kan matsalar kuma za a mayar wa gwamnatin Nigeria da kudin.
Koda yake ba ta fayyace lokacin da za a mayar da kudin ba, amma ta ce wajibi bankin duniya ya sa ido kan yadda za a kashe kudin, don tabbatar da cewa an yi amfani da su "domin jin dadin 'yan Najeriyar".
"Yaki da cin hanci da rashawa na daya daga cikin abubuwan da Switzerland ta ba muhimmanci" in ji ministan harkokin wajen kasar Didier Burkhalter.
Ministar ta kara da cewa yunkurin zai "inganta rayuwar 'yan Najeriya da ke fama da matsanancin talauci ", kamar yadda kamfanin dillancin labarai na AFP ya ruwaito.



mawallafi:

Shugaban kamfanin Duniyan Fasaha, kuma Babban Editan Mujallar Duniyan Fasaha, mutum ne mai son sanar da mutane abin da Allah ya sanar da shi game da fannoni masu yawa. Mai kokari ne a fannin ilimin, Computer, Web Design, gyaran jiki da sauransu.

No comments:

Post a Comment

TALLA

TALLA

Chanza harshe

Blog Archive

Contact Form

Name

Email *

Message *

Blog Archive