Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

Amfanin man zaitun wajen gyaran gashi

Amfanin man zaitun wajen gyaran gashi

Amfanin man zaitun wajen gyaran gashi


Assalamu Alaikum, barkanmu da sake saduwa cikin wannan fili. Ina fata kuna cikin koshin lafiya. A wannan makon na kawo muku bayanin yadda za ku yi amfani da man zaitun wajen gyaran gashi. Man zaitun na da matukar muhimmanci a jikinmu. Ana amfani da shi a matsayin man kitso.

==> Da farko a samu man zaitun mai kyau, sai a sanya shi a murhun zamani da ake kira ‘microwabe’ ko a sanya a cikin tukunya, sai a dora shi a murhu, sannan a bar shi ya yi dumi kamar tsawon minti 10.

==> Daga nan a rika amfani da hannu wajen dibar man zaitun din ana shafa wa shi a karkashin gashin kai. Haka za a rika shafawa har sai gashin ya gaurayu da man gaba daya.

==> A tabbata gashin a tsefe yake, sai a rufe shi da hular leda kamar na tsawon minti talatin. Bayan minti talatin, sai a wanke kan da man ‘shampoo’ da na ‘conditioner’.


Idan aka ci gaba da wanke gashin kai za a samu canji, domin gashin zaizama mai sheki da santsi da laushi da kuma tsayi.
Tura Zuwa:

Amfanin Madara a fata

Amfanin Madara a fata
Amfanin Madara a fata

Barkanmu da sake saduwa da ku a wannan fili na kwalliya wanda yake zuwa muku kai tsaye daga mujallar Duniyan Fasaha. Madara na dauke da sinadaren da ke saurin gyara fata. Yawan bai wa yara madara na dada kaifin basira ga yaro. Bayan haka, shan madara na sanya fata sulbi da laushe da kuma kare fata daga gautsi.

==> A sami madara sannan a kwaba ayaba. A zuba ruwan madarar da ayabar ta dan yi kauri kadan sannan a rika shafawa a fuska na tsawon minti goma sha biyar a rana sannan a wanke. Yin hakan na sanya sulbin fuska.

==> A sami madaran gari sannan a kwaba shi da ruwa sannan a matse ruwan lemun tsami a ciki sannan a gauraya a rika shafawa a fuska kafin a shiga wanka a kullum domin samun hasken fata.

==> Madara na goge dukanin daudar fuskar; za a iya samin rabin kofin madara sannan a hada ta da rabin cokalin gishiri sai a sanya ruwa a gauraya har sai gishirin ya narke. Bayan hakan, sai a shafa a fuska da wuya a jira na tsawon minti 2 zuwa 3 kafin a wanke da ruwan dumi.

==> Madara na sanya fata sulbi domin hakane ya kamata a rika amfani da shi a matsayin cleanser ; a samo auduga sannan sai a tsoma a cikin madarar ruwa. Sai a rika goge fuskar da ita, sannan sai a jira ta bushe kafin a wanke, yin hakan na rage maikon fuska kuma da sanya fuska taushi da sulbi.

==> Za a iya amfani da madara a gashi domin kara wa gashi lafiya. Musamman lokacin sanyi, gashi yakan tsinke. Sai a zuba madara a gashi ya taba tsagun kai, sai a jira na dan minti kadan kafin a wanke. Yin hakan na kara karfin gashi kuma yana hana shi tsinkewa.


==> Za a iya hada madara da zuma sannan a shafa a fuska. Yin hakan na hana fashewar fuska saboda sanyi.
Tura Zuwa:

Kallon Bidiyon Batsa Na Rage Kaifin Basirar Matasa – Masana Lafiyar Kwakwalwa

Kallon Bidiyon Batsa Na Rage Kaifin Basirar Matasa – Masana Lafiyar Kwakwalwa

Kallon Bidiyon Batsa Na Rage Kaifin Basirar Matasa – Masana Lafiyar Kwakwalwa


Wani rahoto ya bayyana gargadin da masana kiwon lafiyar ƙwaƙwalwa suka yi cewa kallon hotuna da bidiyon batsa a Intanet na canza kwayar halittun ƙwaƙwalwar mutane musamman ma yara da suka balaga.

Masanan sun faɗi haka ne a wani babban taron duniya da aka kammala a Rome a kan hatsarin batsa da yara ke fuskanta a duniyar Intanet. Wani babban likitan kwakwalwa a Amurka Donald Hilton ya yi gargadi kan mummunan tasirin da bidiyon batsa a intanet ke yi a ƙwaƙwalwar yara.

Shugaban Katolika Fafaroma Francis ne ya jagoranci taron na masana sama da 150 a fannin kimiya da ilimi da al’adu da kuma kare hakkin yara kanana da aka kammala a ranar Juma’ar da ya gabata.

A wajen taron masana sun yi nazari tare da tattauna illar kallon bidiyon batsa a ƙwaƙwalwar yara inda suka ce halayyar ƙwaƙwalwa na canzawa a yayin da take nazari ko karatu, kuma yakan zama illa idan aka takura ƙwaƙwalwa.


An bayyana cewa matasa na shafe lokaci suna kallon bidiyon batsa domin ƙoƙarin gamsar da kansu ta hanyar wasa da al’auransu da hannu a yayin da suke kallon bidiyon na batsa. Taron ya yi kira ga iyaye su farga su lura wajen ɗaukar matakan kula da dabi’un ‘ya’yansu tare da yin kira ga mahukunta su karfafa dokokin kare kananan yara.
Tura Zuwa:

Yadda ake madarar waken soya

Yadda ake madarar waken soya

Yadda ake madarar waken soya


Assalamu Alaikum Uwargida tare da fata ana lafiya. Waken soya wake ne wanda yake dauke da sinadarai da dama na gina jiki da kuma kara mata lafiya. Za a iya yin wannan madarar soya din a rika bai wa yara kanana domin yana sanya su kiba da koshi da kuma lafiya. Duk da cewa akwai kayan abinci wadanda ake yi wa yara kanana daga wata shida zuwa biyu, waken soya na saurin sanyasu kiba. Kowace uwa tana son ganin danta ya yi bulbul shi ya sa a yau na kawo muku yadda ake yin waken soya din. Manya ma za su iya sha domin kara musu lafiya.

Abubuwan da za a bukata

·        Waken soya
·        Siga
·        Flaba
·        Madara

Hadi

A jika waken soya kamar yadda ake jika wake idan za ayi alale ko kosai amma wannan waken daban yake saboda haka, ana iya jika shi na tsawon awa daya zuwa biyu. Sannan a sanya shi a turmi sai a kirba shi kadan domin cire bawon da ke jikinsa. Bayan haka sai a rege shi domin gudun tskuwa sannan a wanke waken carak!

Sannan a markada shi ya yi laushi sosai. A sami abin tata ta kamu a tace shi sosai, sannan a sami tukunya a zuba madarar soya a ciki, sannan a debo garin madara a kwaba da ruwa sannan a sake zuba wa a cikin tukunyar. Sai a jira ta tafasa. Tana tafasowa za aga tana yin kumfa sai a rika debe kumfan ana zubarwa sannan a sauke a kasa.


Sannan a zuba masa siga dai-dai yadda ake so da kuma flaba na irin kamshin da ake so sai a gauraya har sai sigar ta narke kuma flaba ta ji. A wannan lokacin za a iya bai wa kananan yara. Manyan kuma za su iya sanya ta a gidan sanyi kamin a fara sha domin samun ainihin dandano mai gamsarwa.
Tura Zuwa:

Yadda za a rabu da tabon fuska

Yadda za a rabu da tabon fuska

Yadda za a rabu da tabon fuska

Wadanda wannan matsala ta fi shafa su ne matasa mata da maza. Sai a ga bayan an sha wahala an rabu da kurarrajin fuska, sai tabon ya ki tafiya. Rashin bacewar tabo a fuska na bata kwalliyar mutum. Sau da yawa za a ga ba a son shiga taron mutane domin wadannan tabbai. Da yawan mutane sun gwada na’ukan mai domin rabuwa da wadannan tabbbai na fuska. Wadansu sun yi sa’a wadansu kuma ba su yi ba. A yau na kawo muku yadda za a rabu da wadannan tabbai na fuska. Ina so a san cewa daya za a zaba daga cikin ababen da zan lissafo kada a hada su gaba daya. Domin yin hakan zai kara lahanta fuska.

==> A nika itacen sandalwood, sannan a zuba zuma, a cakuda su. Sannan a shafa a fuska ko a inda tabo yake, bayan minti 30, sai a wanke da ruwan dumi. Itacen sandalwood na tayifar da tabo sosai kuma yana taimakawa wajen haskaka fata. Yawan shafa zuma zalla a tabo ma na batar da shi. Amma sai an yi hakuri domin sauki sai a hankali. Za a iya amfani da wannan hadin na tsawon wata 3 kafin samun biyan bukata.

==> kwallon dabino: Wannan hadin na taimakawa wajen batar da tabo musamman wanda aka samu daga kunar wuta ko ruwan zafi. A gasa kwallon dabino a nika sannan a hada da man kwakwa. Sai a shafa hadin a inda ake bukata. Za a iya samun kamar kwallon dabino 10 a wannan hadin.

==> A samu ganyen dogon yaro sai a hada shi da kurkum sannan a shafa a fuska. A jira na tsawon minti 15 sannan a wanke da ruwan dumi.

==> Za a iya samun markadadden dankalin Turawa a shafa a kan tabo. Hakan na hana kurajen sake fitowa.

==> A daka tafarnuwa sai a shafa a kan tabon. Da wari amma tana aiki sosai a kan fatar fuska ga kuma rabuwa da tabon fuska.

==> A hada karas da tafarnuwa da zuma sai a shafa a fuska na tsawon minti 20 kafin a wanke.


==> A samu ‘aking soda a hada da ruwa sai a shafa a fuska kamar na minti 2 zuwa3. Sannan a wanke fuska.
Tura Zuwa:

Yadda za a yi kwalli ya lokacin damina

Yadda za a yi kwalli ya lokacin damina

Yadda za a yi kwalli ya lokacin damina


Mata da dama ba su cika son yin kwalliya a lokacin damina ba. Domin suna tsoro ka da a fara ruwan saman da zai wanke musu wannan kwalliyar, ko kuma ta cabe musu ita. Sau da yawa ana tambaya wai shin wace irin kwalliya ce ta dace a yi a lokacin damina? Don haka ne a yau na kawo muku yadda za a magance wadannan matsalolin ta hanyan sauki.

1.==> Akwai wasu irin hodar fandesho masu santsi kamar mai. Irin su ne ya kamata a yi amfani da su a lokacin damina, domin ko da ruwan ya taba fuskar, ba za ta wanke fuskar ba. A nemi irin wannan hodar fandesho din domin samun sauki ga lamarin

2.==> Akwai wata ‘waterproof mascara’ abin nufi a nan s hi ne ruwa ba ya ratsa cikinta. Irin shi ne ya kamata ‘yan mata da manyan mata na amfani da su a wannan lokacin. Idan ba a yi la’akari da samin irin wannan mascara ba to a sani cewa kwalliyar za ta cabe sosai.

3.==> Kada a manta da lema a duk lokacin da za a fita domin ba za a san lokacin da ruwan zai sauko ba.

4.==> A kasance tare da abin rufe kai. Domin yawan sanya ruwa a gashi ba karamin karya gashin yake ba. Don haka sai a samo wani abu da zai rufe kan yadda ruwan ba zai ratsa shi ba.

5.==> Yana da kyau kuma a san irin takalmin da za a sa saboda jikewa daga ruwan sama. Ana son amfani da takalmin roba, wanda ba zai sa a fadi ba, saboda santsin wuri a lokacin ruwan sama.


6.==> A samu kaya na mutunci wadanda za a sanya a wannan lokacin saboda wani lokacin id an aka jike, kuma idan har tufafin wasu matsatsu kaya ne, sai a ga surar mutum kaf ta bayyana a fili. Yana da kyau mace ta san yadda za ta kula da kanta.
Tura Zuwa:

Yadda za a magance warin hammata lokacin zafi

Yadda za a magance warin hammata lokacin zafi
yadda zaa magance warin hammata lokacin zafi

Yadda za a magance warin hammata lokacin zafi


Akwai abubuwa da dama da ke haifar da warin hammata, musamman ma lokacin zafi. Yawan sanya kaya matsatsu ko kuma kaya sau biyu a lokacin zafi, duk sukan haifar da irin warin hammata. Idan mutum kuma ya kasance mai yawan shan giya, ba wuya zai yi warin hammata.


Akwai abubuwa da dama da ke haifar da warin hammata, musamman ma lokacin zafi. Yawan sanya kaya matsatsu ko kuma kaya sau biyu a lokacin zafi, duk sukan haifar da irin warin hammata. Idan mutum kuma ya kasance mai yawan shan giya, ba wuya zai yi warin hammata.
Tura Zuwa:

Yadda ake girka kazar Indiyawa

Yadda ake girka kazar Indiyawa
yadda ake girka kazar indiyawa

Yadda ake girka kazar Indiyawa


Assalamu Alaikum Uwargida tare da fata ana cikin koshin lafiya. Kamar yadda na saba fada muku, yana da kyau idan za a yi girki a rika taba birni da kauye har da kasashen waje. Hakan ya sa a yau na dauko muku irin girkin mutanen Indiyawa ‘chicken curry’. Tare da fatan za a gwada shi wata rana ga mai gida ko kuma ga manyan gobe domin kara ilimantar da su a kan abincin kasashe waje.

Abubuwan da za a bukata
·        Man zaitun
·        Albasa
·        Kori
·        Madara (nonon da aka tafasa)
·        Gishiri
·        Dakaken masoro
·        Heaby cream (za a iya samu a manyan shagunan da ke sayar da kayan girke girke)
·        Kaza daya
·        Timatir guda daya.
·        Ganyen kori.

Hadi

A wanke kaza sannan a silala ta da kayan kamshi da albasa da magi har sai ta yi laushi sosai. Sannan a sauke ta huce. A sami wuka a daddatsata kanana sannan a ajiye a gefe. A dora tukunya a wuta sannan a zuba man zaitun, idan ya yi zafi sai a zuba albasa sannan a yi ta juyawa kamar na tsawon minti bakwai sannan a zuba kori kamar cokali biyu na cin abinci, sai a ci gaba da juyawa na tsawon minti daya.

Sannan a zuba tafasashiyar madara a cikin hadin tare da ‘cream’ da gishiri da magi da kuma yankakken timatir kanana sosai sai a ci gaba da juyawa.


A dauko kazar da aka riga aka daddatsa a zuba a cikin miyar sannan a rufe na tsawon minti biyu kacal sannan a sauke. Za a iya sanya ganyen kori idan ana da bukata. A tafasa farar shinkafa sannan a dauko hadin miyar Indiyawa a zuba a kan shinkafar tare da hada shi da jus din lemun zaki. Hmnnn! A ci dadi lafiya!
Tura Zuwa:

Yadda macen da ta dara arba’in za ta yi kwalliya

Yadda macen da ta dara arba’in za ta yi kwalliya

Yadda macen da ta dara arba’in za ta yi kwalliya


Barkanmu da sake haduwa a wannan filin namu na kwalliya wanda yake zuwa muku kai tsaye daga mujallar Duniyan Fasaha. Kwalliya aba ce da ta kamata kowace mace ta kasance tare da ita. Mata da dama daga sun dara shekara arba’in sai ka ji suna cewa sun tsufa. Ba su son yin wani abu da ya danganci kula da jikinsu. Lallai wannan babbar illa ce. Akwai al’amura da dama da matan da suka manyanta ya kamata su yi domin gyaran fatarsu da kuma jikinsu, al’amarin da ke sanyawa a cika da mamaki idan sun ambaci shekarunsu. Wannan kuwa yana faruwa ne saboda tsabagen iya kulawa da fatar jiki.

==> Ido: Ana gane tsufar mace ne daga idonta. Don haka sai a kasance cikin kula da fatar karkashin idanu. A yawaita shafa musu man zaitun a kullum idan an zo kwanciya. Yin hakan na rage yankwanewar fatar karkashin ido.

==> Gazal: Yana da kyau idan an dara shekara arba’in a kasance cikin amfani da bakin launin gazal idan an zo sanya gazal a kan gira ko kuma a cikin ido.

==> Man Shafawa: A rika amfani da nau’ukan mai masu dauke da sinadaran SPF, da ke kare fata daga kodewa. Yana da kyau mace ta rika amfani da shi kafin ta dara shekara arba’in domin hana launin fatar fuska canjawa.

==> Kumburin fuska: Idan mace ta fada cikin wadanda fuskarsu ke yawan kumburowa, sai ta rika jika kyalle a ruwan sanyi, sannan ta matse ruwan ya fita, sai ta riga shafawa a fuska har sai kyallen ya bushe.

==> Wanke kwalliya kafin kwanciya: Idan ana wanke kwalliya a kullum kafin a kwanta, yana hana yankwanewar fata, tare da hana fesowar kuraje a fuska.

==> Idan shekaru sun dan ja, yana da kyau a rika cin abinci mai kara lafiyar jiki, kamar su ganye da ’ya’yan itatuwa, domin kara wa jiki da kuma sanya fata lafiya da sheki.

==> Shafa nau’o’in mai masu kyau sosai na sanya fata ta yi sulbi da sheki. Yana da kyau a yawaita shafa mai domin hana gautsin fata da taimakawa wajen mikar da fata.


==> Dilke: Yin dilke akalla sau daya a mako na taimaka wa fata wajen yin sheki sosai.
Tura Zuwa:

Kula da gashi

Kula da gashi

Kula da gashi


Gashi kamar sauran bangarori na jikin dan Adam shi ma yana bukatar kulawa kwarai da gaske. Idan ya kasance gashi ba ya smaun kulawar da ta kamata to babu shakka zai kararraye ya kuma kade saboda iska ko rashin cikkakkiyar kula. Ga wasu hanyoyi da ya kamata mace ta bi wajen kula da gashinta.

==> Idan za a wanke gashi a yi mishi abin da ake kira steaming. Wata hanya ce ta wanke gashi bayan an shafe gashin da hadin manshanu ko kuma na kanti sai a sami hular leda ko kuma ledar a rufe gashin da ita. Bayan ya dauki kamar mintuna 30 sai a sa sabulu a wanke gashin tas da ruwan zafi da kuma sabulun wankin gashi mai kyau.

==> Ya kasance da zarar gashin ya bushe a shafe shi da mai sosai. Ma’ana abi gashin layilayi a rika shafa masa mai (Abin da ake kira da turanci oiling).

==> Akwai bukatar a rika kitso akaiakai saboda yawan tazar gashin shi ma hanya ce da ke sanya gashi kadewa.

==> A rika shafawa kitson mai (wanda ake amfani da shi don gashi) a kullum saboda ana bukatar kullum gashin ya kasance cikin danshi kada ya ya zama a bushe.

==> A kula cewa a lokacin hunturu man gashi mai ruwa wanda ake kira oil shi ya fi kyau ga gashi.


==> A rage yawan sanya wa gashi man shamfo (relader). A rika bari yana daukar tsawon watanni kafin akai ga yin shamfo. Idan ya kasance gashinki mai tauri ne ki yawaita yin sitimin a maimakon shampoo.
Tura Zuwa:

YADDA ZAKA MAGANCE SHANYEWAR MB AKAN WAYAR KA NA ANDROID

YADDA ZAKA MAGANCE SHANYEWAR MB AKAN WAYAR KA NA ANDROID TARE DA MUHAMMAD ABBAGANA

YADDA ZAKA MAGANCE SHANYEWAR MB AKAN WAYAR KA NA ANDROID



Assalamu Alaikum barkanmu da sake saduwa daku a cikin sabon shirin namu wanda yake zuwa muku kai tsaye daga mujallar Duniyan Fasaha. Insha Allahu yau mun kawo muku hanyoyi da zaku bi wajen magance matsalar shan yewar data ko mb a wayar salula na android.  

To a hakikanin gaskiya akwai ababe da dama wanda suke sanya wayar android shan data ko megabyte amma manyan daga cikin su sun hada da Google Play store, saukar da application mai bude kansa wanda ke amfani da yanar gizo, ko kuma yakan iya zama updating da wasu application keyi na kansu muddin sun shunshuni yanar gizo.

Koma daga ina matsalar take ga hanyoyi da zaku bi wajen magance wannan matsalar. Abun kula nan shine ko wace waya yana da hanyar shan data amma dai kashi casa’in bisa dari suna faruwa ne bisa hanyoyi dana ambata a baya ga kuma yanda za,a magance matsalar.

Cikaken hanyoyi da zaka bi wajen wagance shanyewar data, mb ko megabyte a wayar salulanka na android.

Mataki na Farko, Dakatar da Application daga Updating kansa: akwai application da dama wanda akowani karshen wata ana da’da musu abubuwa sabbi a ciki wanda kafin mutum ya samu damar aiki da wannan sabin ababen dole sai yayi updating na application dinsa. Sai a wasu lokutan Muddin wayar android ya sami data a bude baya tambayar mutum ko yana bukatar sabon update sai dai kawai ya saukar masa a cikin wayar sa na salula wanda hakan ke janyo karewar data.

Dan magance wannan matsalar akwai hanyoyi da dama wanda mutuum zai iya bi amma mafi sauki daga cikin hanyoyin shine dakatar da updating application daga settings na Google Play store, dan dakatarwa sai mutuum ya shiga Google Play store Application >> sai yaje zuwa ga ‘settings’>> sai ya zabi “Auto Update Apps” sannan mutum sai ya kuma zabi na farko wanda aka rubuta “Do not auto-update apps” ma’ana kar yayi updating wani application. Wannan shine hanya mafi sauki wajen magance application da ke updating kansa.      

YADDA ZAKA MAGANCE SHANYEWAR MB AKAN WAYAR KA NA ANDROID TARE DA MUHAMMAD ABBAGANA


Mataki na Biyu, Dakar da Google Play store daga aiki ko kuma Application masu aiki in sun sami data a bude:  Google play store gidane da babban kamfanin nan na google ke kula dashi wanda ke baiwa mutane damar saukar da application a wayar salulansu, saukar da application a waya dai yana cin yan wasu mb.

Duk lokacin da wannan application din yake aiki ko yana bude akwai wasu yan chargi da ake ma mutuum haka zalika ba lallai sai mutuum ya bude da hannunsa ba yakan iya fara aiki da kansa wanda hakan ke janyo karewar data ko mb a wayar salulan mutum.

Dan dakatar da Google play store na wayar ka sai ka ziyarci ‘settings’ na wayarka >> sannan sai aje izuwa ga >> ‘Application’ ko ‘Apps’ ya dangana da yanda yake rubuce a wayar>> sannan sai mutum ya zabi “All apps” ko kuma mutuum ya zabi “All application” to anan mutum sai ya nemi>> “Google Play Store” a jerin application da suke wayar bayan mutum ya samu sai ya shiga akwai akwa tuna biyu wanda aka tanadar sai a latsa na biyun wanda ke dauke da “Force Stop” ma’ana dakata daga aiki> zai tambayeka shin ka tabbatar kana son Dakar da wannan application din sai ka zabi ‘Ok’ ma’ana eh. Shikennan anan an magance matsalar shan data ko mb wanda google play store keyi.

YADDA ZAKA MAGANCE SHANYEWAR MB AKAN WAYAR KA NA ANDROID TARE DA MUHAMMAD ABBAGANA


Za,a iya bin hanya daya gabata wajen magance shanyewar data da wasu application keyi amma lokacin da mutuum yazo zaban application mai makon ya zabi “Google Play store” sai ya zabi application da yake tunanin yana yawan bude kansa.

Mataki na karshe, Dakatar da sync settings na wayar salulanka: dan dakatar da syn settings na wayar salula ga mata kan kamar haka kaje izuwa ga "Settings" Ka dan tafi can kasa, sai ka zabi "Account and sync settings" Ka cire zabin da ke kan "Background data". Ka maida shi babu zabi, zasu yi maka gargadi, kawai ka manta da su, ka cire alamar zabi.


Insha Allahu za,a samu saukin shanyewar mb ko data Allah yasa mu dace
Tura Zuwa:

Yadda za ki yi kwalliya idan ba ki da lafiya

Yadda za ki yi kwalliya idan ba ki da lafiya

Yadda za ki yi kwalliya idan ba ki da lafiya


Barkanmu da sake saduwa daku a wannan filin namu na kwalliya wanda yake zuwa muku kai tsaye daga mujallar Duniyan Fasaha. A yau na kawo muku yadda za kiyi kwalliya idan ba ki da lafiya. Idan nace rashin lafiya ina nufin wadda batayi tsanani ba. Bai kamata a rika barin fuska da jiki da datti ba don kawai ba’a da lafiya. Idan aka tsaftace jiki ana jin sauki kuma hakan zai iya taimakawa wajen sanya sauki a ciwo. Dole ne a kasance masu tsafta a kodayaushe domin taimakawa lafiyar jiki.

==>Fandesho: Idan rashin lafiyar ta sanya kumburin fuska dasu idanu, yana da kyau a kasance tare da fandesho wadda zai dan boye kumburin fuskar. Bayan anyi wanka sai a samo fandesho a shafa a wajajen da suka kumbura. Yin hakan na dan dadawa fuskar haske.

==> kankara: Idan an kasance ana fama da ciwon ido, yana da kyau a samu kankara a sanya a leda sannan a lullube ta da tawul sannan a dora tawul din akan idanuwan da suka kumbura na tsawon mintuna goma. Hakan zai taimakawa idanu wajen sabe kumburin.

==> Ruwa: Ruwa na da mahimmanci a rayuwar dan Adam. Rashin shan isasshen ruwa na sanya
gautsin fata karyewar gashin kai da dai makamancinsu. Yana da kyau a kasance ana shan shayi ko ruwa a lokacin da ba a da lafiya da kuma shafa man jiki domin rage gautsin fata.

==> Man baki: Amfani da man baki yana karawa majinyata kyau. Yana da kyau a rika shafa man basilin a labba domin hana bushewa. Ko kuma a samu wata kala da zata karawa labban kyau sai a yawaita shafawa domin sanya kyawun fuska.

==> Kwalli: Kwalli na dadawa idanu haske. Yana da kyau a rika shafasu a wannan lokutan domin
sanya idanu haske da kuma bayyanar dasu.

==> Fandesho da nayi bayani a kai ina nufin ba sai an maka ta sosai ba. Za’a iya shafata samasama ma ya isa. Dama domin a boye wajajen da ya kumbura a fuskar ne.’


Idan mutum yaga cewa ba zai iya yin wadannan abubuwan da na lissafo ba, yana da kyau ya zauna a cikin gida yayi jinyar har sai ya warke bakidaya kafin ya fito waje. Dama muna magana ne akan rashin lafiya mara tsanani.
Tura Zuwa:

Yadda za a magance kaushin fata

Yadda za a magance kaushin fata

Yadda za a magance kaushin fata


Kaushin fata abu ne da ke addabar fatar mutum musamman a lokacin sanyi. Akwai abubuwan da ke sanya kaushin fata kamar yawan shekaru da rashin cin abinci mai gina jiki da kuma jinsi. Akwai mayuka da dama wadanda ake sayar da su domin magance matsalolin kaushin fata amma yawancinsu suna da tsada. Domin bin hanya mafi sauki wajen magance wadannan matsalolin, fata yau a Duniyan Fasaha mun kawo muku hanyoyi tara (9) wanda zakubi wajen magance wannan matsalar suna nan kamar haka.

1.==> A shafa zuma a fatar jiki baki daya sannan a barshi na tsawon mintuna biyar zuwa goma kafin a shiga wanka a kullum.

2.==> A kasance ana diga man zaitun a cikin man shafawa. Yin hakan na sanya fata laushi kuma yana rage kaushin fata.

3.==> Za a iya kwaba fiya sannan a shafa a jiki sai a bari na tsawon mintuna goma sha biyar sannan a wanke kafin a shiga wanka a kullum. Ko kuma a hada us din fiya a rika sha domin magance kaushin fatar daga cikin jiki.

4.==> A kasance ana amfani da man kwa-kwa a fatar jiki. A daura man kwa-kwa a wuta ya danyi dumi sannan a mulke fatar jiki kaf dashi na tsawon mintuna talatin kafin a shiga wanka a kwanta. A kasance yin hakan a kullum.

5.==> Shan madara kofi daya kafin a kwanta bacci a kullum yana taimakawa fata sosai.

6.==> A kasance ana shafa man kadanya a jiki bayan anyi wanka da daddare kafin a kwanta barci. Sai a mulke jikin gabadaya da man kadanya domin samun fata mai laushi mai sheki.

7.==> A samu ayaba da nono ko kindirmo a kwaba a waje daya sannan a shafa a fuska ko fata na tsawon mintuna ashirin sannan a wanke da ruwan dumi.

8.==> Lemun tsami da sukari na taimakawa wajen fitar da fatar dake da gautsi a jiki sannan yana sanya fata haske. A samu sukari kamar cokali daya sannan a matsa ruwan lemun tsami a ciki sai a rika shafawa a fuska a bari na tsawon mintuna uku sannan a wanke.


9.==> Ayi amfani da daya daga cikin abubuwan da na lissafo. Kada a maka duka a jiki yawan amfani da ababe dayawa a fata yana haifar da kuraje a fata.
Tura Zuwa:

Yadda ake ‘pan cake’ din ayaba

Yadda ake ‘pan cake’ din ayaba

Yadda ake ‘pan cake’ din ayaba


Akwai hanyoyi da dama na sarrafa ‘pan cake.’ Kowace mace na da irin nata yanayin sarrafa girki, shi ya sa a kullum nake kara tunatar da mu a kan cewa yana da kyau mace ta kasance mai sarrafa sabon abu a kullum. Koda tuwo ne, yana da kyau a kasance ana canja na’ukan miya domin kara wa abinci armashi da kuma kin fita ran masu ci. A yau na kawo muku yadda ake sarrafa ‘pan cake’ din ayaba. A ci dadi lafiya.

Abubuwan da za a bukata

·        Ayaba
·        kwai biyu
·        Madara
·        Bata
·        Sukari
·        Fulawa

Hadi

A samu na’urar markada kayan miya (blender), sannan a yayyanka ayabar a ciki. Bayan haka, sai a fasa kwai biyu a ciki, sannan a zuba bata (butter) kamar cokali uku zuwa hudu. Daga nan sai a zuba madarar ruwa ko a kwaba da madarar gari da ruwa sannan a zuba. A zuba sukari da garin fulawa kadan, sai a rufe na’urar a markada su, har sai sun yi laushi sannan a sha.


A dora tukunya mara kama girki a wuta (nonstick) bayan ta yi zafi, sai a rika debo kullun ayaba ana zuba shi ta irin yanayin da ake so. Idan ya dan nuna, sai a juya dayan gefen domin shi ma ya gasu. Sannan a kwashe. Za a iya cin wannan hadin da zuma ko da miya. Wannan abincin an fi yin sa ne a matsayin abincin karyawa.
Tura Zuwa:

TALLA

TALLA

Chanza harshe

Contact Form

Name

Email *

Message *