Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

Yadda Za’a Cire Tallar Manhaja Da Suke Fitowa A Menu Na Salulan Android

Yadda Za’a Cire Tallar Manhaja Da Suke Fitowa A Menu Na Salulan Android


Talla na daya daga cikin tsari mafi sauki da mutum kan iya bi wajen sanar da al’umma yadda ingancin kayansa yake da kuma yadda zai taimaki mutane a ayyukansu na yau da kullum. 

Amma yawan tallata kaya guda na tsawon lokuta mai tsawo yakan gunduri mutane har a wasu lokutan yakan sa wasu su tsani kayan saboda yadda ake yawan tallatasa daga lokaci zuwa lokaci.  

Wayar salula ya kasance kusan wani bari na rayuwa a duniyar mu ta yau; ta yadda bamu iya zama na yan wasu kankanin lokaci ba tare da duba cikinsa ba. Duk da cewar yana da matukar amfani domin kuwa yana taimakawa ta bangarori bila adadin. 

Mutane da dama sukan fusata bisa yadda sabbin wayar salulan Andriod suke dauke da tallan manhaja a menu wadda a koda yaushe suna chanza launi a duk lokacin da ita wayar salulan ta shiga yanar gizo ko kuma ta sun-suni data. 

Idan kana/kina daya daga cikin wayanda basu bukatar ganin wannan tallar na manhaja insha Allahu yau Duniyar Fasaha ta kawo muku hanya da za’a bi wajen magance wannan matsalar cikin sauki ba tare da tuntuban kwararre ba haka zalika ba tare da kashe ko sisi ba. 

Yadda Za’a Cire Tallar Manhaja Da Suke Fitowa A Menu Na Salulan Android
 Yadda Za’a Cire Tallar Manhaja Da Suke Fitowa A Menu Na Salulan Android

Har Ila Yau Kuna Tare Da Jikan Marubuta Wato Muhammad Abba Gana Tare Da Alqalaminsa 

Matakan Da Za’a Bi Wajen Dakatar Da Tallar Manhaja A Wayar Salulan Andriod
Domin dakatar da wannan tsarin ga wayanda basu bukata, wayar salula dole ya kasance a kunne sannan kuma cikin koshin lafiya domin gujewa wani matsalar.
Mataki Na Farko: Da fari za’a koma asalin fuskan wayar salulan wadda aka fi sani da home page a turance.

Yadda Za’a Cire Tallar Manhaja Da Suke Fitowa A Menu Na Salulan Android

Mataki Na Biyu: Sai a latsa wajen da babu komai tare da tsayawa (Press and hold) har sai wasu zabi sun fito. Abin Kula: Kada a latsa waje mai dauke da manhaja. Wasu daga cikin abinda za’a gani sun hada da “Wallpapers”, “Widgets”, “Arrange Desktop”, “Desktop Settings”. 

Yadda Za’a Cire Tallar Manhaja Da Suke Fitowa A Menu Na Salulan Android

Ba lallai ya kasance irin daya ba saboda wayoyi sun sha ban-ban idan har mutum bai ga abinda na lissafo ba sai ya tura jerin ababen da aka lissafo masa zuwa hannun hagu wadda hakan zai basa damar ganin wasu zabin na daban.

Mataki Na Uku: A cikin jerin ababen da aka lissafo mana sai mu zabi “Desktop Settings” ta hanyar latsa hoton da ke kansa ko kuma ta hanyar latsa sunnan.
Yin hakan zai bamu damar zuwa shafi na gaba.

 Yadda Za’a Cire Tallar Manhaja Da Suke Fitowa A Menu Na Salulan Android

Mataki Na Hudu: A wannan shafin da muka shiga na “Desktop Settings” akwai abubuwa da aka lissafo mana masu yawan gaske wadda ko wanne daga cikinsu yana da matukar amfani wajen saita yadda fuskar waya zata kasance. Abin kula: kada a shiga abinda ba’a sani ba domin yin hakan zai iya chanza surar ita wayan gaba daya wadda zai iya kasancewa babbar matsala. A nan zamu dan sauka zuwa karshe ta hanyar tura jerin ababen da aka lissafo mana zuwa sama.
Mataki Na Biyar: Zamu ga wajen da aka rubuta “Other Settings” sai mu latsa kai, yin hakan zai bamu damar shiga wani shafi na daban.

 Yadda Za’a Cire Tallar Manhaja Da Suke Fitowa A Menu Na Salulan Android

Mataki Na Shida: Haka zalika wannan shafin da muka shiga akwai jerin setuka daban-daban. Domin dakatar da tallace-tallace da ake mana a home menu na wayar salulan mu dole mu kashe wasu abubuwa guda uku. Da farko akwai “Application Recommendation” na biyu kuma “Instant Apps” sannan na karshe kuma “Instant App Reminder”

 Yadda Za’a Cire Tallar Manhaja Da Suke Fitowa A Menu Na Salulan Android

Za’a kuma iya kashe sune ta hanyar latsa dan karamin mabullin da aka tanadar wadda zai taimaka wajen chanza wa dan karamin “kwallon” alkibla. 

 Yadda Za’a Cire Tallar Manhaja Da Suke Fitowa A Menu Na Salulan Android

Idan har kalar akwatin ya nuna “blue” sannan kuma dan karamin kwallon yana fuskantan hannun dama to hakan yana nufin cewar haryanzu a kunne yake. Haka zalika idan kuma kallar akwatin ya koma baki sannan dan karamin kwallon ya koma fuskantan hannun hagu to hakan yana nufin an kashe tsarin wadda kuma shi ake bukata. 
 Yadda Za’a Cire Tallar Manhaja Da Suke Fitowa A Menu Na Salulan Android

Ba lallai a samu dukka tsarin a kunne ba zai iya kasance wa daya daga cikinsu yana kunne ko kuma biyu haka zalika zai iya kasancewa dukka a kunne a kowani hali aka samu to fa lallai sai an tabbatar da an kashe dukka ukun domin cinma manufa. 
 Yadda Za’a Cire Tallar Manhaja Da Suke Fitowa A Menu Na Salulan Android

Wannan shine cikakken bayani yadda ake Dakatar da tallan manhaja da suke fitowa a menu na wayar salulan Android. Shin akwai wata hanya mafi sauki da aka sani wadda zai taimaka matuka? Shin akwai wani mataki da muka tsallaka yayin rubutu? Za’a iya turo mana ta hanyoyin sadarwanmu na Facebook, Whatsapp da Kuma Twitter. Allah ya taimakemu dukka Ameen!  


mawallafi:

Shugaban kamfanin Duniyan Fasaha, kuma Babban Editan Mujallar Duniyan Fasaha, mutum ne mai son sanar da mutane abin da Allah ya sanar da shi game da fannoni masu yawa. Mai kokari ne a fannin ilimin, Computer, Web Design, gyaran jiki da sauransu.

4 comments:

  1. Please send me your whatsapp number

    ReplyDelete
  2. Gaskiya naji dadin Wannan Rubutun Saboda Wannan tallar ta cimin data ban san iyakar Allah ya taimaka ya qara Basira muna beyeda da Kai sauda da qafa

    ReplyDelete
  3. Gaskiya naji dadin Wannan Rubutun Saboda Wannan tallar ta cimin data ban san iyakar Allah ya taimaka ya qara Basira muna beyeda da Kai sauda da qafa

    ReplyDelete
  4. Gaskiya naji dadin Wannan Rubutun Saboda Wannan tallar ta cimin data ban san iyakar Allah ya taimaka ya qara Basira muna beyeda da Kai sauda da qafa

    ReplyDelete

TALLA

TALLA

Chanza harshe

Contact Form

Name

Email *

Message *