Kwalam Da Makulashe: Yadda Ake Sarrafa Wainar Dankali

Abubuwan bukata

·        Dankali

·        Kwai

·        Koren wake

·        Maggi

·        Gishiri

·        Albasa

Yadda ake Sarrafawa

Da farko za ki gyara dankalin ki, ki fere ki zuba masa ruwa ki dora a wuta. Ko dai ki bar shi ya dahu sosai ki daka shi, ko kuma ki dafa shi sama sama ki markada a Blender ba tare da kin saka ruwa ba.  Ki fasa kwai da dan dama ki zuba a ciki Za ki iya dan barbada fulawa kadan, amma ba dole ba ne Ki goga albasa ko ki yankata kanana ki zuba, shi ma koren waken ki wanke ki zuba Ki zuba maggi da gishiri dai-dai misali, sannan ki magutsa su gaba daya Sai ki dora tanda a kan wuta ki na zuba mai kina soyawa