Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

Yadda Ake Girkin Shurba

Yadda Ake Girkin Shurba

 Assalamu alaikum, a yau na kawo muku wani girki ne mai suna ‘Shurba.’

 

Shurba girkin Shuwa-Arab ne wadanda suke yawaita yin sa.

 

Yana da muhimmanci mu ci abubuwan da za su gina mana jiki a kowane lokaci.

Shurba wanda wasu Shuwa-Arab ke kira Marrara na magance cututtuka da dama a jikinmu.


Kamar ciwon sanyi ko mura da kuma zazzabi. Yana taimakawa wajen narkar da abinci da sauri a ciki da wanke daudar ciki, yana kuma taimakawa wajen dawo da marmarin abinci ga mutum mai jinya.

 

Girki kamar na Shurba yana mayar da ruwan jikinmu da ya ragu kuma kudi kalilan ya isa a girka Shurba da shi.

 

Abubuwan da za a bukata

 

  1. Kayan ciki
  2. Tafarnuwa
  3. Albasa
  4. Attaruhu
  5. Man gyada
  6. Kori da thyme
  7. Sunadarin dandano
  8. Citta
  9. Gishiri
  10. Ruwa
  11. Nutmeg

 Bayan an wanke kayan ciki, sai a soya man gyada da albasa.

 

Bayan sun soyu, sai a zuba kayan ciki ana gaurayawa, can sai a zuba ruwa daidai gwargwado, a zuba dakakkiyar tafarnuwa da yankakken tumatir da dakakken attaruhu da garin citta da garin Nutmeg da kori da thyme da magi daidai dandano da gishiri daidai misali.

 

Sai a jira ya yi ta dahuwa na tsawon awa daya. Bayan kayan ciki ya yi laushi sosai, sai a sauke a zuba a kwano don more rayuwa ko karbar baki.



mawallafi:

Shugaban kamfanin Duniyan Fasaha, kuma Babban Editan Mujallar Duniyan Fasaha, mutum ne mai son sanar da mutane abin da Allah ya sanar da shi game da fannoni masu yawa. Mai kokari ne a fannin ilimin, Computer, Web Design, gyaran jiki da sauransu.

No comments:

Post a Comment

TALLA

TALLA

Chanza harshe

Contact Form

Name

Email *

Message *