Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

Yadda Ake Yin ‘Yam Balls’ A Saukake


Yadda Ake Yin ‘Yam Balls’ A Saukake

Yadda Ake Yin ‘Yam Balls’ A Saukake

Jama’a barkan mu da wannan lokaci, a yau za mu nuna yadda ake yin kwallon doya da kywai (yam balls) a gida a saukake.

Ana iya yin ‘yam balls’ a matsayin abinci don marmari, tarbar baki ko sana’a.

Kayan Hadi

  • Doya
  • Attarugu
  • Albasa
  • Kwai
  • Magi
  • Gishiri
  • Kori
  • Mai

Yadda Ake Yin ‘Yam Balls’ A Saukake
 

Yadda Ake Hadawa

Da farko za a fere doya a yanka ta sai a wanke a sa a tukunya a dora a wuta da dan gishiri a bari ta nuna. 

Idan ya nuna sai a sauke a kawo turmi mai tsafta a daka doyar sama sama.


Sai a dauko jajjagen attarugu, albasa, magi da kori a zuba a kan doyar a juya su hadu sosai.

Daga nan sai a rika dunkula doyar a yi ta kamar kwallo.


Sai a fasa kwai a dora kasko a wuta a sa mai.

Idan man ya yi zafi sai a rika dauko kwallon doyar ana sawa a kwai ana soyawa a man.

Idan ya yi sai a kwashe.

Yadda ake yin yam balls ke nan, da fatan za a jaraba a gani.



mawallafi:

Shugaban kamfanin Duniyan Fasaha, kuma Babban Editan Mujallar Duniyan Fasaha, mutum ne mai son sanar da mutane abin da Allah ya sanar da shi game da fannoni masu yawa. Mai kokari ne a fannin ilimin, Computer, Web Design, gyaran jiki da sauransu.

No comments:

Post a Comment

TALLA

TALLA

Chanza harshe

Contact Form

Name

Email *

Message *