Shafine da ake bude dan wayar da kan mutane abubuwa wanda zai taimakesu a harkokin yau da kullum, mukan taimaka da abubuwa ta bangaren shawarwari, gyaran jiki, kwalliya da su Girke Girke

Yadda Ake Yin Awarar Kwai

Yadda Ake Yin Awarar Kwai

Kwai na daga cikin abincin da mutane kan ci musamman domin marmari ko kayatarwa mai hanyoyin sarrafawa iri-iri, ciki akwai awarar kwai.

Mutane da dama na son cin awarar kwai ko su yi da kansu, amma ba su san yadda za su bullo wa abun ba.

Ku kwantar da hankalinku, yau a Duniyan Fasaha mun kawo muku cikakken bayani yadda ake yin awarar kwai cikin sauki.

Abubuwan Da Ake Bukata:

  • Kwai
  • Nama
  • Mai
  • Maggi
  • Attaruhu
  • Albasa

Yadda Ake Hadawa

A gyara nama mara kitse a markada shi sannan a jajjaga attarugu da albasa a juye a ciki.

A fasa danyen kwai sannan a kada shi sai a sa masa magi da gishiri da sauran kayan hadi daidai bukata a juya shi sosai.

Daga nan dan a hada kwan da naman a motsa, sannan a juye hadin a cikin farar leda sai a saka a tukunya a dafa kamar alala.

Idan ya nuna sai a sauke a yayyanka kamar awara.

Daga nan sai a sake kada danyen kwai a rika tsoma hadin da aka riga aka dafa a ciki ana soyawa.

Wannan shi ne yadda ake hadda awaran kwai.

A ci dadi lafiya.



mawallafi:

Shugaban kamfanin Duniyan Fasaha, kuma Babban Editan Mujallar Duniyan Fasaha, mutum ne mai son sanar da mutane abin da Allah ya sanar da shi game da fannoni masu yawa. Mai kokari ne a fannin ilimin, Computer, Web Design, gyaran jiki da sauransu.

No comments:

Post a Comment

TALLA

TALLA

Chanza harshe

Contact Form

Name

Email *

Message *