Yadda Za’a Magance Rashin Tashiwar Kwanfuta A Kan Lokaci

Assalamu Alaikum barkanmu da war haka barkanmu da sake saduwa da ku a cikin sabon shirin namu wadda ke zuwa muku kai tsaye daga mujjalar Duniyan Fasaha. Zaiyu kana daya daga cikin wayanda suke fuskanta kalu bale wajen rashin tashiwar kwanfuta a kan lokacin daya kamata wadda ake masa lakani da slow booting a turanche.

A hakikanin gaskiya akwai matsaloli bila adadin dake sa rashin tashiwar kwanfuta a kayataccen lokacin daya kamata, wayan nan matsalolin sun hada da yawan wucin gadin fayil (Temporary files) ko kuma kwanfuta yana dauke da virus.

ko ma me ya haddasa rashin tashiwar sa akan lokaci insha Allahu yau zamu tattauna ne a kan yan wasu hanyoyi da za’abi wadda zai taimaka matuka wajen shawo kan wannan matsalar. Domin shawo kan wannan matsalar ga wasu matakai da za’a bi kamar haka:

==> Mataki na Farko: Dole a tayar da ita kwanfuta ya kasance yana kunne.’

==> Mataki na Biyu: za’a latsa kan Windows menu sannan za’a bincika “Run” ko kuma za’a iya yin hakan ta hanyar dannan WINDOW BUTTON da kuma R (WIN + R) a lokaci guda. Zai bude wani dan karamin akwati wadda ke bada damar duba abu ta hanyar nema wato searching a turance.

 

==> Mataki na Uku: Bayan dan karamin akwatin (popup window) ya budu 

sai a rubuta “Msconfig” sannan a latsa ma dannin enter a keyboard, ko kuma a latsa “Ok” wadda ke rubuce a karkashin karamin akwatin 

Wadda hakan zai bada damar kai mutum izuwa ga wani shafi. 

 

==> Mataki na Hudu: za’a danna na hudu a cikin jerin ababen da aka lissafo ko kuma na kusa da karshe wadda ke dauke da “Startup” a rubuce, 

bayan an danna; ga masu amfani da windows 7 zai kawo jerin sunayen Mahajan da suke buduwa yayin da kwanfuta ke kokarin tashi.

Ga masu amfani da windows 8 ko kuma windows 10 zai kawo dan wani gajeren sako dauke da mahada (link) a rubuce “Open Task Manager” sai a latsa kai 

hakan zai bada damar kawo jerin sunayen Mahajan da suke buduwa yayin da kwanfuta ke kokarin tashi. 

Abinda mutum zaiyi anan shine ya rage adadin mahajar da suke buduwa yayin da kwanfuta ke kokarin tashi za’a yi hakan ne a window 7 ta hanyar cire alamar maki dake dauke a kusa da kowani mahaja da ke kunna kansa.  

Misali: na dakatar da mahajar Adobe Reader daga tashi wadda amfanin sa shine bude PDF file haka zalika na dakatar da mahajar Wondershare daga tashi domin ina aiki dashi ne yayin da zanyi aiki wani hoto mai motsi wato video a turache.

Ga masu amfani da window 8 ko kuma window 10 za’a iya dakatar da mahajar daga tashi ta hanyar zaban mahajar sai a latsa madannin dama (right click) sannan a zabi “Disable” daga jerin zabin da aka bayar. 

Abin Kula: Lallai mutum yasan abinda zai dakatar daga cikin jerin sunayen mahajar da suka fito, abinda nake nufin anan shine idan adadin na mutum ya ninka nawa da ake gani anan zai iye chire wasu wadda ya tabbatar shine ya saka a cikin kwanfutansa domin akwai wasu mahajar da ke zuwa tare da ita kwanfutan sabili da rashin tashiwar wayannan mahajar kan janyo matsala babba ta bangaren lafiyar ita kwanfutan.      

==> Mataki Na Biyar: Bayan mutum ya kammala cire mahajar da ya tabbar tashiwarsu bashi da wani inganci sai ya latsa madannin “Apply” wadda ke rubuce a dan kasa kusa da karshe 

sannan ya sake dannan madanni da ke dauke da “Ok” wadda shine farko a layin dake karshen shafin. 

Kwanfutan zai bayar da shawarar sake yi (a Kashe sannan a sake kunnawa) wato “Reboot” a turance sai ayi hakan. 

Insha Allahu za’a sami chanji muddin an bi matakan dana zayyano daidai. Allah ya taimake mu gaba daya Ameen!