Yadda Za Ki Hada Kazar ‘Chicken Balls’

 

Kayan Hadi

• Kaza
• Kwai
• Dankalin Turawa
• Magi da gishiri
• Tattasai da attarugu da albasa
• Man gyaxa
• Kori (Curry)

Hadi

Idan uwargida ta wanke kazarta tas, sai ta tafasata da dan gishiri da albasa har sai ta yi laushi sosai, sannan a cire kasusuwan da ke jikin kazar.

A dafa dankalin Turawa ya dahu sosai sannan a ajiye ta a gefe. A markada tattasai da attarugu da albasa.

Bayan haka, sai a tsoma dafafen dankalin tare da kazar a cakuda su da maggi da gishiri da kuma kori (curry).

Sannan a fasa kwai a kan hadin da aka yi. Sai a mulmula su daya bayan daya. Sannan a dora man gyada a wuta a tukunyar suya a soya su. Bayan ya soyu sai a sauke. Chicken balls ya yi ba karya, aci dadi lafiya!.