Sirrin Da Ke Tattare Da Shan Kankana

Kankana yana daya daga cikin kayan marmari da muke sha a yawancin lokuta, duk da cewar bamu san me amfaninta ga lafiyar jikin mu ba, watakila saboda arharta da ganinta da mu ke yi banza-banza sakamakon yawanta a gonaki, lambuna, kasuwanninmu sannan kuma ko wani lubgu zuwa sakon cikin gari , a hakikanin gaskiya kankana na daya daga cikin manyan abincin da za mu iya masa lakani da “MAGANI A GONAR YARO”. Yana da kyau mu fahimci cewar ba duk abinda Allah ya ba mu shi a wadace ba ne ya ke da karancin amfani ko muhimmanci a garemu.

Insha Allahu yau a shafin Duniyan Fasaha zamu zayyano wasu daga cikin anfanonin kankana ga lafiyan jiki.

• Kasancewar sa abin marmari da kuma dan-dano Kankana na dauke da sinadarai masu yawan gaske  wadda zai taimaka matuka ga lafiyar jiki wajen gina shi, ba shi garkuwa, da inganta lafiyar wasu sassa, bargo da ma ita jikin baki dayan ta.

• kaso 92 bisa dari na Kankana ruwa ne cike dashi, za’a iya matukar amfani da kankana a madadin ruwa wajen magance kishin ruwa a wasu lokutan. Sabili da shi ruwan da ke cikin kankana na dauke da sinadarai irinsu “Glutathione” a turance wanda ke taimakawa wajen gina garkuwar jiki gaba dayanta.

• Haka zalika shi Kankana na dauke da sinadarin “Lycopene” a turance da ake samu a cikin tumatiri. Wannan sinadarin na “lycopene” na dagargazar kwayoyin cutar daji a cikin jikin bil adam.  

• Shi Kankana na dauke da sinadarin bitamin C da muka sani wadda ke taimakawa  matuka wajen toshe kwayoyin cutar da ke cikin jini ko kuma hanyar jini ta hanyar dakatar da kwayoyin cutar daga habbaka a jikin dan adam.

• Ita Kankana na dauke da sinadarin “Potassium” da ke taimakawa zuciya, koda, hanta da sauran muhimman sassan jiki gabatar da aikinsu yadda ya kamata tare da basu kariya daga cututtuka daban daban.

• Kankana na taimakawa ma’aurata da kuzari da nishadi na musamman a yayin gabatar da ibadan aure. An so ma’aurata da su yawaita shan kankana akalla awa guda kafin jima’I.

• Kankana na samarwa fata wani sinadari da ke bawata kariya daga illolin da dama irin na haske da kuma tsananin zafin rana ke yi ga fata bil adam.

Kankana abinci ne da ya kamata mu kara adadadin yadda mu ke amfani da shi a kullum a bisa jerin abincin da muke amfani dasu a wayancin lokuta domin samun cikakken lafiya da kuma karfin jiki.