A zamanin da muka tsinchi kanmu a yanzu, wayar salula ya zama wani bangarene a cikin rayuwanmu sabili da bazamu iya numfasa wa ba tare da shiba balle a zo ta bangaren zamantakewa. Wadda yawan amfani dashine ke haddasa mana wasu matsaloli da dama ta bangaren wayar salulan haka zalika a wasu lokutan yakan shafi ita rayuwar mu.
A kowani wayewar gari matsaloli kara habbaka suke haka zalika hanyoyin da za’a magance matsalar na karuwa, na kasance ina amfani da wayar salulan android kusan shekara bakwai Kenan amma karo na farko Kenan dana fuskanci wata babbar matsala.
Wayata na nuna alamar shigowar kira ta hanyar yin kara tare da nuna flash light a baya wadda ke tabbatar min da cewar lallai kira ya shigo amma danayi yunkurin dauka kiran sai ga abun mamaki screen din ba alamar wajen daukawa; da fari na dau wayar ne ya gigice hakan yasa nayi saurin kashe wayar na chire battery tare da mayarwa, haka zalika banyi kasa a gwiwa ba wajen sake kunnata.
Bayan wasu yan mintuna abinda ya faru a baya ya sake aukuwa. Ga alamar shigowar kira amma kuma ba wajen dazan dauka balle nasan wadda yake kira, hakan yasa na yanke shawarar rubuta yadda za’a magance matsalar wadda a hakikanin gaskiya nasan akwai mutane da dama dake fuskartar matsala data auku dani.
Magance matsalar nada matukar sauki sai dai dole sai an bi wasu yan matakai wadda zanyi jawabi a gaba, matakan basu bukatar wani abu daya hada da yanar gizo, kudi, wani mahaja kokuma wani wayar salulan.
Yadda za’a magance matsalar cikin sauki
1.==> Da fari za’a ziyarchi “Settings” na waya.
2.==> Sai a dubi “Applications” ko kuma “Apps & Notifications” sai a danna.
3.==> Sai a zabi “System Application” a wasu wayoyin kuma za’a ga “See All Apps”.
Sannan a duba mahaja mai suna “Phone”.
Sannan a duba mahaja mai suna “Phone”.
4.==> Za’a ga “Clear Data” ko kuma “Clear Cache” a rubuce a sama ta bangaren hannun dama,
sai a danna daya daga ciki daga nan wani sako zai fito sai a latsa “Ok” domin tabbatarwa amma a mafi yawancin lokacin baya fitowa.
sai a danna daya daga ciki daga nan wani sako zai fito sai a latsa “Ok” domin tabbatarwa amma a mafi yawancin lokacin baya fitowa.
A wasu wayoyin kuwa ba lallai bane a same su a chan sama wajen hannun dama da zaran an shiga shi majahar na “Phone” wato mataki na uku sai a zabi “storage” za’a ga “Clear Data” ko kuma “Clear Cache” a rubuce a sama ta bangaren hannun dama, sai a danna daya daga ciki daga nan wani sako zai fito sai a latsa “Ok” domin tabbatarwa; haka zalika mafi yawancin lokacin baya fitowa.
Shikenan an maganace matsalar cikin sauki. Shin kina/kana da wata hanya da ki/ka ke ganin zai taimaka matuka wajan magance wannan matsalar da ban ambata ba cikin wannan kasidar ba? Za’a iya turo mana dan dad’awa wanda zai taimaka wa masu ziyara nan gaba.
-------------------------------------------------------------------------------------------------------------
Zaku iya samuna a kan shafukan sada Zumunta kamar haka:
Whatsapp ko Kira: +2349039016969
Twitter: @muhdabbagana ko kuma ta hanyar latsa nan
Facebook: Muhammad Abba Gana Kolo ko kuma ta hanyar latsa nan
Instagaram: @real_abbagana ko kuma ta hanyar latsa nan 
